KHayal-e-yar ka raushan jo hai diya na bujha

ḳhayāl-e-yār kā raushan jo hai diyā na bujhā

rah-e-hayāt meñ is se hī hai ziyā na bujhā

jo pyaas hī hai muqaddar mirā to phir saaqī

piyāla rahne de ye tishnagī baḌhā na bujhā

shab-e-visāl hai dam le zarā numūd-e-sahar

Thahar abhī se sitāroñ kā silsila na bujhā

kabhī lagā.ī thī tū ne jo dīda-o-dil meñ

hai iḳhtiyār tujhe aag ye bujhā na bujhā

batā do us ko ki har daur ke ḳhudāoñ ne

bujhāyā laakh magar sho.ala-e-navā na bujhā

KHayal-e-yar ka raushan jo hai diya na bujha

rah-e-hayat mein is se hi hai ziya na bujha

jo pyas hi hai muqaddar mera to phir saqi

piyala rahne de ye tishnagi baDha na bujha

shab-e-visal hai dam le zara numud-e-sahar

Thahar abhi se sitaron ka silsila na bujha

kabhi lagai thi tu ne jo dida-o-dil mein

hai iKHtiyar tujhe aag ye bujha na bujha

bata do us ko ki har daur ke KHudaon ne

bujhaya lakh magar shoala-e-nawa na bujha