KHayal-e-zehn-shikan se zaban bhar aa jae

ḳhayāl-e-zehn-shikan se zabān bhar aa jaa.e

ye ho to haath mire koī sher-e-tar aa jaa.e

hamāre miTne se duniyā huī hai aisī nihāñ

ki jaise biij se bāhar koī shajar aa jaa.e

banā.ī maiñ ne jo be-sūratī ke patthar se

maiñ kyā karūñ isī mūrat pe dil agar aa jaa.e

chaman tamām to aahaT pe us kī jhuum uThā

yahāñ ye ḳhabt vo sail-e-havā nazar aa jaa.e

bhañvar musir hai ki āġhosh-e-tañg meñ dariyā

tamām vus.at-e-naḳhvat sameT kar aa jaa.e

kashish bhī us kī ġhazab ro.ab-e-husn bhī aisā

ki sāmnā hī na kar pā.ūñ vo agar aa jaa.e

rahoge phir bhī 'muhib' sat.h-e-bahr hī se do-chār

agar tumhāre liye tah bhī sat.h par aa jaa.e

KHayal-e-zehn-shikan se zaban bhar aa jae

ye ho to hath mere koi sher-e-tar aa jae

hamare miTne se duniya hui hai aisi nihan

ki jaise bij se bahar koi shajar aa jae

banai main ne jo be-surati ke patthar se

main kya karun isi murat pe dil agar aa jae

chaman tamam to aahaT pe us ki jhum uTha

yahan ye KHabt wo sail-e-hawa nazar aa jae

bhanwar musir hai ki aaghosh-e-tang mein dariya

tamam wusat-e-naKHwat sameT kar aa jae

kashish bhi us ki ghazab roab-e-husn bhi aisa

ki samna hi na kar paun wo agar aa jae

rahoge phir bhi 'muhib' sath-e-bahr hi se do-chaar

agar tumhaare liye tah bhi sath par aa jae