KHayal-o-fikr ke par mein uDan bandh ke chal

ḳhayāl-o-fikr ke par meñ uḌaan bāñdh ke chal

suḳhan ke paañv meñ tū āsmān bāñdh ke chal

ġhazal kī bazm meñ shirkat jo karnī hai tujh ko

ik ek sher meñ fan kī zabān bāñdh ke chal

na jaane kab use tūfāñ kā sāmnā ho jaa.e

purānī naav meñ tū bādbān bāñdh ke chal

sulagtī dhuup meñ vo sar ke kaam aa.egā

safar meñ hausle kā sā.ebān bāñdh ke chal

ġharīb-e-shahr kī bastī meñ tujh ko chalnā hai

rag-e-ḳhudī meñ saḳhāvat kī shaan bāñdh ke chal

sabhī ye pūchheñge patthar ne kyā diyā hai tujhe

jabīñ pe zaḳhm kā gahrā nishān bāñdh ke chal

ġhazal kī bazm meñ ik saaz bhī zarūrī hai

'qamar' zabān meñ naġhmoñ kī taan bāñdh ke chal

KHayal-o-fikr ke par mein uDan bandh ke chal

suKHan ke panw mein tu aasman bandh ke chal

ghazal ki bazm mein shirkat jo karni hai tujh ko

ek ek sher mein fan ki zaban bandh ke chal

na jaane kab use tufan ka samna ho jae

purani naw mein tu baadban bandh ke chal

sulagti dhup mein wo sar ke kaam aaega

safar mein hausle ka saeban bandh ke chal

gharib-e-shahr ki basti mein tujh ko chalna hai

rag-e-KHudi mein saKHawat ki shan bandh ke chal

sabhi ye puchhenge patthar ne kya diya hai tujhe

jabin pe zaKHm ka gahra nishan bandh ke chal

ghazal ki bazm mein ek saz bhi zaruri hai

'qamar' zaban mein naghmon ki tan bandh ke chal