KHayal-o-fikr ki tajsim kar chuki thi wahan
ḳhayāl-o-fikr kī tajsīm kar chukī thī vahāñ
maiñ us kī saltanat taslīm kar chukī thī vahāñ
havā.eñ phuul shajar aur chhāñv us kī thī
isī liye to maiñ tāzīm kar chukī thī vahāñ
vo shahr-e-zāt kī har ik galī se vāqif thā
magar maiñ rāste taqsīm kar chukī thī vahāñ
qafas khulā thā magar fāḳhta kahāñ jaatī
vo apnī haar ko taslīm kar chukī thī vahāñ
KHayal-o-fikr ki tajsim kar chuki thi wahan
main us ki saltanat taslim kar chuki thi wahan
hawaen phul shajar aur chhanw us ki thi
isi liye to main tazim kar chuki thi wahan
wo shahr-e-zat ki har ek gali se waqif tha
magar main raste taqsim kar chuki thi wahan
qafas khula tha magar faKHta kahan jati
wo apni haar ko taslim kar chuki thi wahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
