KHayal-o-KHwab ki ab rahguzar mein rahta hai

ḳhayāl-o-ḳhvāb kī ab rahguzar meñ rahtā hai

ajiib shaḳhs hai aksar safar meñ rahtā hai

kisī kā dekhnā muḌ kar vo chashm-e-tar se mujhe

hamesha ab vahī manzar nazar meñ rahtā hai

tamām rāste muḌ kar yahīñ pahuñchte haiñ

vo is ḳhayāl se ab apne ghar meñ rahtā hai

masarratoñ ke kināre to Duub jaate haiñ

safīna dil kā ġhamoñ ke bhañvar meñ rahtā hai

kahāñ hai kaise batā.eñ yahī samajh liije

'shakīl' ab to kisī chashm-e-tar meñ rahtā hai

KHayal-o-KHwab ki ab rahguzar mein rahta hai

ajib shaKHs hai aksar safar mein rahta hai

kisi ka dekhna muD kar wo chashm-e-tar se mujhe

hamesha ab wahi manzar nazar mein rahta hai

tamam raste muD kar yahin pahunchte hain

wo is KHayal se ab apne ghar mein rahta hai

masarraton ke kinare to Dub jate hain

safina dil ka ghamon ke bhanwar mein rahta hai

kahan hai kaise bataen yahi samajh lije

'shakil' ab to kisi chashm-e-tar mein rahta hai