KHayal-o-KHwab ki duniya nahin sanjone ka

ḳhayāl-o-ḳhvāb kī duniyā nahīñ sañjone kā

udhār maañg ke rusvā na ab ke hone kā

koī to aa.egā surḳhī kā aib batlāne

lahū ke daaġh bhī chehre se ab na dhone kā

mohabbatoñ meñ mohabbat kī koī aas na rakh

ye kārobār to paane kā hai na khone kā

bichhaḌte vaqt jo talqīn bhī na kar paayā

phir us kī yaad meñ āñchal nahīñ bhigone kā

lo dekh lo vahī sāhil pe aa ke Duube haiñ

jinheñ thā shauq bahut kashtiyāñ Dubone kā

vo ham ki nīñdoñ ko āñkhoñ se duur kar Daalā

tumheñ ḳhayāl rahā oḌhne bichhaune kā

KHayal-o-KHwab ki duniya nahin sanjone ka

udhaar mang ke ruswa na ab ke hone ka

koi to aaega surKHi ka aib batlane

lahu ke dagh bhi chehre se ab na dhone ka

mohabbaton mein mohabbat ki koi aas na rakh

ye karobar to pane ka hai na khone ka

bichhaDte waqt jo talqin bhi na kar paya

phir us ki yaad mein aanchal nahin bhigone ka

lo dekh lo wahi sahil pe aa ke Dube hain

jinhen tha shauq bahut kashtiyan Dubone ka

wo hum ki nindon ko aankhon se dur kar Dala

tumhein KHayal raha oDhne bichhaune ka