KHayal-o-KHwab ki duniya se istifada kiya

ḳhayāl-o-ḳhvāb kī duniyā se istifāda kiyā

hunar samajh ke isī kaam ko ziyāda kiyā

ye tū ne kaun se mansab kī pāsdārī kī

banāyā miir mujhe ḳhud ko mīrzāda kiyā

kamāl ye ki jise rāsta milā hī nahīñ

vo kah rahā hai safar ham ne pā-piyāda kiyā

koī batāo ki maiñ ḳhud ko roktā kaise

jab us ne saath mire chalne kā irāda kiyā

bahut dinoñ pe tabī'at idhar huī maa.il

bahut dinoñ pe sabā ne bhī dil kushāda kiyā

KHayal-o-KHwab ki duniya se istifada kiya

hunar samajh ke isi kaam ko ziyaada kiya

ye tu ne kaun se mansab ki pasdari ki

banaya mir mujhe KHud ko mirzada kiya

kamal ye ki jise rasta mila hi nahin

wo kah raha hai safar hum ne pa-piyaada kiya

koi batao ki main KHud ko rokta kaise

jab us ne sath mere chalne ka irada kiya

bahut dinon pe tabi'at idhar hui mail

bahut dinon pe saba ne bhi dil kushada kiya