KHayal-o-KHwab ko parwaz deta rahta hun
ḳhayāl-o-ḳhvāb ko parvāz detā rahtā huuñ
maiñ apne aap ko āvāz detā rahtā huuñ
jo un ko rakhegā duniyā meñ surḳh-rū kar ke
maiñ apne bachchoñ ko vo raaz detā rahtā huuñ
maiñ chheḌtā huuñ sadā shā.irī ke tāroñ ko
aur apne fan se koī saaz detā rahtā huuñ
palaT ke ā.eñge ik din zarūr achchhe din
maiñ apne taur to āvāz detā rahtā huuñ
jhulā ke haal ko aksar zabāñ ke jhūle meñ
ġham-e-jahāñ ko meñ andāz detā rahtā huuñ
lagā ke siine se 'fayyāz' us ke paikar ko
ġhazal ko har ghaḌī e.azāz detā rahtā huuñ
KHayal-o-KHwab ko parwaz deta rahta hun
main apne aap ko aawaz deta rahta hun
jo un ko rakhega duniya mein surKH-ru kar ke
main apne bachchon ko wo raaz deta rahta hun
main chheDta hun sada shairi ke taron ko
aur apne fan se koi saz deta rahta hun
palaT ke aaenge ek din zarur achchhe din
main apne taur to aawaz deta rahta hun
jhula ke haal ko aksar zaban ke jhule mein
gham-e-jahan ko mein andaz deta rahta hun
laga ke sine se 'fayyaz' us ke paikar ko
ghazal ko har ghaDi eazaz deta rahta hun
- Book : Fasl-e-khayaal (Pg. 54)
- Author : Faiyaz Rashk
- Publication : Arshia Publications (2016)
- Edition : 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
