KHayal-o-KHwab se niklun zuhur tak dekhun

ḳhayāl-o-ḳhvāb se niklūñ zuhūr tak dekhūñ

safar ke dā.ere toḌūñ ubuur tak dekhūñ

mire liye haiñ ye haft-āsmāñ-o-haft-zamīñ

to kis liye tire jalve maiñ tuur tak dekhūñ

samajh sakā huuñ tujhe bas shu.ūr kī had tak

ye fikr hai ki tujhe lā-shu.ūr tak dekhūñ

rageñ chaTaḳh ga.iiñ rishtoñ kī shorisheñ kaisī

sadā lahū kī jo aa.e to duur tak dekhūñ

ulajh na jā.ūñ kahīñ reshmī ḳhayāloñ meñ

tirā 'jamāl' pas-e-rañg-o-nūr tak dekhūñ

KHayal-o-KHwab se niklun zuhur tak dekhun

safar ke daere toDun ubur tak dekhun

mere liye hain ye haft-asman-o-haft-zamin

to kis liye tere jalwe main tur tak dekhun

samajh saka hun tujhe bas shuur ki had tak

ye fikr hai ki tujhe la-shuur tak dekhun

ragen chaTaKH gain rishton ki shorishen kaisi

sada lahu ki jo aae to dur tak dekhun

ulajh na jaun kahin reshmi KHayalon mein

tera 'jamal' pas-e-rang-o-nur tak dekhun