KHayal tera hai dil mein ye baat teri hai
KHayal tera hai dil mein ye baat teri hai
Aazim Gurvinder Singh Kohli
MORE BYAazim Gurvinder Singh Kohli
ḳhayāl terā hai dil meñ ye baat terī hai
hai zarra zarra tirā kā.enāt terī hai
har ek baazī hai terī ye khel hai terā
maiñ sirf mohra huuñ yā-rab bisāt terī hai
nafas nafas hai atā terī hai karam terā
ye din bhī terā ai daatā ye raat terī hai
maiñ jāntā huuñ mirā mujh meñ kuchh nahīñ yā-rab
ye hai vajūd bhī terā ye zaat terī hai
diyā hai tū ne hī 'āzim' ko aisā zauq-e-suḳhan
qalam bhī terā hai maulā davāt terī hai
KHayal tera hai dil mein ye baat teri hai
hai zarra zarra tera kaenat teri hai
har ek bazi hai teri ye khel hai tera
main sirf mohra hun ya-rab bisat teri hai
nafas nafas hai ata teri hai karam tera
ye din bhi tera ai data ye raat teri hai
main jaanta hun mera mujh mein kuchh nahin ya-rab
ye hai wajud bhi tera ye zat teri hai
diya hai tu ne hi 'azim' ko aisa zauq-e-suKHan
qalam bhi tera hai maula dawat teri hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
