KHayal wo bhi mere zehn ke makan mein tha

ḳhayāl vo bhī mire zehn ke makān meñ thā

jo aaj tak na makīn-e-gumāñ ke dhyān meñ thā

vo dekhtā rahā hasrat se āsmāñ kī taraf

chhupā huā vo parinda jo sā.ebān meñ thā

zamīñ pe koī samā.at thī muntazir merī

sadā kī shakl muallaq maiñ āsmān meñ thā

mirā nasīb to ḳhushiyoñ kī bhiiḌ meñ aksar

charāġh kī tarah raushan kisī dukān meñ thā

kabhī mujhe bhī to karnā paḌegā samjhauta

bahut dinoñ se ye ḳhadsha mire gumān meñ thā

tire savāl kā kaise javāb detā maiñ

ki jab maiñ khoyā huā fikr kī uḌaan meñ thā

vahī to aag lagātā phirā gulistāñ meñ

jo 'ahsan' ahl-e-chaman meñ na bāġhbān meñ thā

KHayal wo bhi mere zehn ke makan mein tha

jo aaj tak na makin-e-guman ke dhyan mein tha

wo dekhta raha hasrat se aasman ki taraf

chhupa hua wo parinda jo saeban mein tha

zamin pe koi samaat thi muntazir meri

sada ki shakl muallaq main aasman mein tha

mera nasib to KHushiyon ki bhiD mein aksar

charagh ki tarah raushan kisi dukan mein tha

kabhi mujhe bhi to karna paDega samjhauta

bahut dinon se ye KHadsha mere guman mein tha

tere sawal ka kaise jawab deta main

ki jab main khoya hua fikr ki uDan mein tha

wahi to aag lagata phira gulistan mein

jo 'ahsan' ahl-e-chaman mein na baghban mein tha