KHayalat rangin nahin bolte usko jyun bas phulon ke rangon mein rahiye

ḳhayālāt rañgīñ nahīñ bolte us ko jyuuñ baas phūloñ ke rañgoñ meñ rahiye

do-rañgī suuñ jaanā guzar dil suuñ avval bazāñ jā ke vaañ ek rañgoñ meñ rahiye

vo vahshat ke jañgal meñ ho kar pareshāñ pahāḌoñ se ġham ke na ho sañg hargiz

sharar ho ke chhiḌ sañg tinke suuñ jaldī sakal ruuh ho barq rañgoñ meñ rahiye

nahīñ mauj-e-dariyā kī dahshat use jo ki maarā hai ġhota ho ġhavvās dil meñ

tah-e-bahr-e-vahdat meñ ġhavvās hone ko ta.alīm paane nahañgoñ meñ rahiye

shahādat mile chaar tan suuñ tujhe gar kare qatl tū pāñch mūziyāñ kuuñ dil ke

shahīdoñ kī rah saath har vaqt hamdam ho jyuuñ sher sherān jañgoñ meñ rahiye

falak charḳh-e-kaj-rau suuñ dekhe agar ḳhuub nai-rañgbāzī zamāne kī hikmat

guzar ġhair sohbat suuñ mad.hosh ho jā pahāḌoñ meñ jā kar bhujañgoñ meñ rahiye

samajh ai 'alīm' aaj rāh-e-haqīqat nipaT saḳht mushkil hai jaañ suuñ guzarnā

patañg ho ke jalne meñ vāsil raheñ haq suuñ ho mard-e-vāhid yakañgoñ meñ rahiye

KHayalat rangin nahin bolte us ko jyun bas phulon ke rangon mein rahiye

do-rangi sun jaana guzar dil sun awwal bazan ja ke wan ek rangon mein rahiye

wo wahshat ke jangal mein ho kar pareshan pahaDon se gham ke na ho sang hargiz

sharar ho ke chhiD sang tinke sun jaldi sakal ruh ho barq rangon mein rahiye

nahin mauj-e-dariya ki dahshat use jo ki mara hai ghota ho ghawwas dil mein

tah-e-bahr-e-wahdat mein ghawwas hone ko talim pane nahangon mein rahiye

shahadat mile chaar tan sun tujhe gar kare qatl tu panch muziyan kun dil ke

shahidon ki rah sath har waqt hamdam ho jyun sher sheran jangon mein rahiye

falak charKH-e-kaj-rau sun dekhe agar KHub nai-rangbazi zamane ki hikmat

guzar ghair sohbat sun madhosh ho ja pahaDon mein ja kar bhujangon mein rahiye

samajh ai 'alim' aaj rah-e-haqiqat nipaT saKHt mushkil hai jaan sun guzarna

patang ho ke jalne mein wasil rahen haq sun ho mard-e-wahid yakangon mein rahiye