خیالوں میں کسی کے کھو گئے کیا
خیالوں میں کسی کے کھو گئے کیا
دوانے آپ بھی اب ہو گئے کیا
سنی ہے صبح کے آنے کی آہٹ
ستارے رات کے دیکھو گئے کیا
تو کیا وہ آئے تھے پرسش کو میری
وہ گال اشکوں سے اپنے دھو گئے کیا
شرارت ہے کہ نادانی تمہاری
جگا کر پوچھتے ہو سو گئے کیا
نئی نسلیں ہیں کیوں پھولوں سے محروم
پرانے لوگ کانٹے بو گئے کیا
نظر آتے نہیں محفل میں انجمؔ
وہ اٹھ کر بزم سے بولو گئے کیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
