کھیل سمجھا ہے سفر بھڑوا عدم آباد کا

کھیل سمجھا ہے سفر بھڑوا عدم آباد کا

حوصلہ دیکھو تو گوئیاں اس دل ناشاد کا

کسبی کے گھر سے لگا کر بھیجتے ہو پان تم

واہ کیا کہنا ہے مرزا آپ کی اس یاد کا

آ کے وہ تیر نظر کی زد میں بچ جائے موا

منہ تو دھولے حوصلہ ان کے دل جلاد کا

تھا سبب بیگم بوا یہ رنج کی بنیاد کا

رشک ہے شیراز کے تالاب رکن آباد کا

بات تو شیریں کی رکھ لی تھی ہزاروں میں بوا

گو بلا سے پھٹ گیا سر بھی میاں فرہاد کا

بیٹھنے پائے نہ تھے چوتڑا اٹھائے چل دئے

خاک نکلے حوصلہ شوق دل ناشاد کا

پاربنتی کے ہیں یہ کانٹے بوا بوئے ہوئے

خط نہیں آتا نگوڑے کامتا پرشاد کا

ریختی گوئی میں جو محسنؔ نگوڑا فرد ہے

ہے یہ جوبن عنقاؔ بیگم سی بوا استاد کا