KHema Dale hue rahraw hai paDa ek se ek

ḳhema Daale hue rahrav hai paḌā ek se ek

kis takalluf kī hai duniyā meñ sarā ek se ek

zulm hai ek se ek aur jafā ek se ek

jāñ-sitāñ hai mire qātil kī adā ek se ek

tum agar pahno to joḌā hai dharā ek se ek

hai har ik ġhunche kī gaThrī meñ qabā ek se ek

hai judā sab se tarīqa sitam-ārā.ī kā

nahīñ miltī mire zālim kī jafā ek se ek

kahiye taqvā-shikan is ko to use tauba-shikan

dilrubā hai tirī ai shoḳh adā ek se ek

apnā aks aa.ine meñ dekh ke vo kahte haiñ

vaah kyā ḳhuub ye naqsha hai khichā ek se ek

tajraba ham ne kiyā hai tap-e-furqat ke sivā

har maraz kī hai zamāne meñ davā ek se ek

qābiliyyat bhī to ho dekhne kī āñkhoñ ko

zer-e-aflāk hai ḳhurshīd-laqā ek se ek

vaah kyā san.at-e-ḳhāliq hai ye sub.hān-allāh

apnī sūrat meñ har insān judā ek se ek

bul-havas taab sitam kī jo na laayā na sahī

sarfaroshī ko haiñ sau ahl-e-vafā ek se ek

mil ga.e ḳhaak meñ sab un ke pahanñe vaale

dekho utrī huī rakkhī hai qabā ek se ek

manzil-e-tafraqa sab kahte haiñ is duniyā ko

ek hī ghar meñ haiñ phir sab haiñ judā ek se ek

haath agar tū ne uThāyā hai duā karne ko

mujh se sun maañg tū ai mard-e-ḳhudā ek se ek

ai musāfir tirā jī chāhe jahāñ kar ārām

ek hī raat to basnā hai sarā ek se ek

kū-e-qātil meñ hai ḳhūnī kafanoñ kā majma.a

aiñDate phirte haiñ kyā kyā shohadā ek se ek

hashr ke din bhī vahī fikr hai apnī apnī

aise majma.e meñ bhī aa kar na milā ek se ek

lillāh al-hamd kisī tarah maiñ qāsir hī nahīñ

laa.ī mazmūn mirī fikr-e-rasā ek se ek

bāġh-e-ālam meñ kisī ko na shagufta dekhā

kabhī dil khol ke ġhuncha na hañsā ek se ek

fasl-e-gul aa.ī to ho jā.egā jangal bhī chaman

bhare baiThe hue haiñ ābla-pā ek se ek

bazm-e-duniyā bhī mire dil kā namūna hai koī

mahfil-ārā hai yahāñ māh-laqā ek se ek

mujhe us se to use mujh se pahuñchtī hai madad

sāhab-e-fan yūñhīñ vābasta rahā ek se ek

zulf-e-māshūq jo barham hī rahe to hai mazā

na mile us kā koī taar sabā ek se ek

qābil-e-sair shab-e-māh meñ paTna kā hai chauk

apne koThoñ pe haiñ sau māh-laqā ek se ek

kisī mahjūr kā kyā ḳhuub hai 'akbar' ye kalām

dil ke vo harf haiñ vo bhī haiñ judā ek se ek

KHema Dale hue rahraw hai paDa ek se ek

kis takalluf ki hai duniya mein sara ek se ek

zulm hai ek se ek aur jafa ek se ek

jaan-sitan hai mere qatil ki ada ek se ek

tum agar pahno to joDa hai dhara ek se ek

hai har ek ghunche ki gaThri mein qaba ek se ek

hai juda sab se tariqa sitam-arai ka

nahin milti mere zalim ki jafa ek se ek

kahiye taqwa-shikan is ko to use tauba-shikan

dilruba hai teri ai shoKH ada ek se ek

apna aks aaine mein dekh ke wo kahte hain

wah kya KHub ye naqsha hai khicha ek se ek

tajraba hum ne kiya hai tap-e-furqat ke siwa

har maraz ki hai zamane mein dawa ek se ek

qabiliyyat bhi to ho dekhne ki aankhon ko

zer-e-aflak hai KHurshid-laqa ek se ek

wah kya sanat-e-KHaliq hai ye subhan-allah

apni surat mein har insan juda ek se ek

bul-hawas tab sitam ki jo na laya na sahi

sarfaroshi ko hain sau ahl-e-wafa ek se ek

mil gae KHak mein sab un ke pahanne wale

dekho utri hui rakkhi hai qaba ek se ek

manzil-e-tafraqa sab kahte hain is duniya ko

ek hi ghar mein hain phir sab hain juda ek se ek

hath agar tu ne uThaya hai dua karne ko

mujh se sun mang tu ai mard-e-KHuda ek se ek

ai musafir tera ji chahe jahan kar aaram

ek hi raat to basna hai sara ek se ek

ku-e-qatil mein hai KHuni kafanon ka majma

ainDate phirte hain kya kya shohada ek se ek

hashr ke din bhi wahi fikr hai apni apni

aise majmae mein bhi aa kar na mila ek se ek

lillah al-hamd kisi tarah main qasir hi nahin

lai mazmun meri fikr-e-rasa ek se ek

bagh-e-alam mein kisi ko na shagufta dekha

kabhi dil khol ke ghuncha na hansa ek se ek

fasl-e-gul aai to ho jaega jangal bhi chaman

bhare baiThe hue hain aabla-pa ek se ek

bazm-e-duniya bhi mere dil ka namuna hai koi

mahfil-ara hai yahan mah-laqa ek se ek

mujhe us se to use mujh se pahunchti hai madad

sahab-e-fan yunhin wabasta raha ek se ek

zulf-e-mashuq jo barham hi rahe to hai maza

na mile us ka koi tar saba ek se ek

qabil-e-sair shab-e-mah mein paTna ka hai chauk

apne koThon pe hain sau mah-laqa ek se ek

kisi mahjur ka kya KHub hai 'akbar' ye kalam

dil ke wo harf hain wo bhi hain juda ek se ek