KHema-e-jaan ki tanabon ko ukhDa jaana tha

ḳhema-e-jāñ kī tanāboñ ko ukhaḌ jaanā thā

ham se ik roz tirā ġham bhī bichhaḌ jaanā thā

kaun se kaaj sañvarte haiñ tire hone se

kaun sā kaam na hone se bigaḌ jaanā thā

bai.at-e-ishq na kī bai.at-e-shāhī ke liye

qasr basnā the so maqtal ko ujaḌ jaanā thā

sañg-rezoñ kī kamī kab thī sar-e-rāh-e-visāl

dil-e-kam-zarf kā dāman hī sikuḌ jaanā thā

aur kab tak yūñhī be-gaur-o-kafan rakhte unheñ

sard ḳhānoñ meñ bhī lāshoñ ko akaḌ jaanā thā

kyā ḳhabar thī zar-e-ehsās ke luTte hī 'najīb'

ik ḳhalā sā dar-o-dīvār meñ paḌ jaanā thā

KHema-e-jaan ki tanabon ko ukhaD jaana tha

hum se ek roz tera gham bhi bichhaD jaana tha

kaun se kaj sanwarte hain tere hone se

kaun sa kaam na hone se bigaD jaana tha

baiat-e-ishq na ki baiat-e-shahi ke liye

qasr basna the so maqtal ko ujaD jaana tha

sang-rezon ki kami kab thi sar-e-rah-e-visal

dil-e-kam-zarf ka daman hi sikuD jaana tha

aur kab tak yunhi be-gaur-o-kafan rakhte unhen

sard KHanon mein bhi lashon ko akaD jaana tha

kya KHabar thi zar-e-ehsas ke luTte hi 'najib'

ek KHala sa dar-o-diwar mein paD jaana tha