khiDkiyon se jhank kar galiyon mein Dar dekha kiye

khiḌkiyoñ se jhāñk kar galiyoñ meñ Dar dekhā kiye

ghar meñ baiThe raat din dīvār-o-dar dekhā kiye

aisā manzar thā ki āñkheñ dekh kar pathrā ga.iiñ

phir na dekhā kuchh magar nezoñ pe sar dekhā kiye

rāt-bhar sochā kiye aur sub.h-dam aḳhbār meñ

apne hāthoñ apne marne kī ḳhabar dekhā kiye

ek taarā nā-gahāñ chamkā girā aur bujh gayā

phir na aa.ī niiñd taare rāt-bhar dekhā kiye

vo to ḳhvāboñ meñ bhī ḳhushbū kī tarah aatā rahā

phuul kī mānind us ko ham magar dekhā kiye

kaun thā vo kab milā thā kyā pata 'alvī' magar

der tak ham us ko āñkheñ muuñd kar dekhā kiye

khiDkiyon se jhank kar galiyon mein Dar dekha kiye

ghar mein baiThe raat din diwar-o-dar dekha kiye

aisa manzar tha ki aankhen dekh kar pathra gain

phir na dekha kuchh magar nezon pe sar dekha kiye

raat-bhar socha kiye aur subh-dam aKHbar mein

apne hathon apne marne ki KHabar dekha kiye

ek tara na-gahan chamka gira aur bujh gaya

phir na aai nind tare raat-bhar dekha kiye

wo to KHwabon mein bhi KHushbu ki tarah aata raha

phul ki manind us ko hum magar dekha kiye

kaun tha wo kab mila tha kya pata 'alwi' magar

der tak hum us ko aankhen mund kar dekha kiye