خدمت انساں کی کچھ تدبیر بھی

خدمت انساں کی کچھ تدبیر بھی

کاش ہو اس خواب کی تعبیر بھی

بے محابا ہر قدم منزل سے دور

پاؤں میں ہو عہد کی زنجیر بھی

عظمت رفتہ کی خواہش کر ضرور

کر اسے پانے کی کچھ تدبیر بھی

حرمت توقیر انساں کر عزیز

چھوڑ دے یہ نفرت و تحقیر بھی

بانٹیے دکھ درد ساتھی بھی ہوں خوش

ہو نئی دنیا کی پھر تعمیر بھی

اسوۂ خیر البشر اپنائیے

تھامیے اخلاص کی زنجیر بھی

ایسے انساں کو ملا بام و عروج

جس نے اپنی ذات کی تسخیر کی