KHidmat-e-insan ki kuchh tadbir bhi

ḳhidmat-e-insāñ kī kuchh tadbīr bhī

kaash ho is ḳhvāb kī ta.abīr bhī

be-mahābā har qadam manzil se duur

paañv meñ ho ahd kī zanjīr bhī

azmat-e-rafta kī ḳhvāhish kar zarūr

kar use paane kī kuchh tadbīr bhī

hurmat-e-tauqīr-e-insāñ kar aziiz

chhoḌ de ye nafrat-o-tahqīr bhī

bāñTiye dukh-dard sāthī bhī hoñ ḳhush

ho na.ī duniyā kī phir ta.amīr bhī

usva-e-ḳhairul-bashar apnā.iye

thāmiye iḳhlās kī zanjīr bhī

aise insāñ ko milā bām-o-urūj

jis ne apnī zaat kī tasḳhīr kī

KHidmat-e-insan ki kuchh tadbir bhi

kash ho is KHwab ki tabir bhi

be-mahaba har qadam manzil se dur

panw mein ho ahd ki zanjir bhi

azmat-e-rafta ki KHwahish kar zarur

kar use pane ki kuchh tadbir bhi

hurmat-e-tauqir-e-insan kar aziz

chhoD de ye nafrat-o-tahqir bhi

banTiye dukh-dard sathi bhi hon KHush

ho nai duniya ki phir tamir bhi

uswa-e-KHairul-bashar apnaiye

thamiye iKHlas ki zanjir bhi

aise insan ko mila baam-o-uruj

jis ne apni zat ki tasKHir ki