KHilat-o-zar ke talabgar tujhe kya malum

ḳhil.at-o-zar ke talabgār tujhe kyā ma.alūm

sar se girne lagī dastār tujhe kyā ma.alūm

hosh aatā hai magar hosh uḌāne vaalā

yaad aa jaatā hai har baar tujhe kyā ma.alūm

mol insān kī ġhairat kā lagāne vaale

kho ga.ī hurmat-e-bāzār tujhe kyā ma.alūm

baiTh sakte haiñ kahāñ zill-e-ilāhī ke qarīb

ham haiñ 'ġhālib' ke taraf-dār tujhe kyā ma.alūm

dahr ko dā.era-e-teġh meñ rakhne vaale

vus.at-e-jur.at-e-inkār tujhe kyā ma.alūm

nasha kaisā bhī ho ik roz utar jaatā hai

TuuT hī jaatī hai talvār tujhe kyā ma.alūm

vajh-e-tafrīq bhī ban jaatā hai zauq-e-ta.amīr

kaise uTh jaatī hai dīvār tujhe kyā ma.alūm

KHilat-o-zar ke talabgar tujhe kya malum

sar se girne lagi dastar tujhe kya malum

hosh aata hai magar hosh uDane wala

yaad aa jata hai har bar tujhe kya malum

mol insan ki ghairat ka lagane wale

kho gai hurmat-e-bazar tujhe kya malum

baiTh sakte hain kahan zill-e-ilahi ke qarib

hum hain 'ghaalib' ke taraf-dar tujhe kya malum

dahr ko daera-e-tegh mein rakhne wale

wusat-e-jurat-e-inkar tujhe kya malum

nasha kaisa bhi ho ek roz utar jata hai

TuT hi jati hai talwar tujhe kya malum

wajh-e-tafriq bhi ban jata hai zauq-e-tamir

kaise uTh jati hai diwar tujhe kya malum