khilta hai jahan par gul-e-nayab-e-tamanna

khiltā hai jahāñ par gul-e-nāyāb-e-tamanna

chhoḌ aa.e haiñ us raah meñ ham ḳhvāb-e-tamannā

bujhtā hai kisī dil meñ tirī yaad kā sūraj

raushan hai kisī baam pe mahtāb-e-tamannā

saudā hai mire sar meñ kisī aur jahāñ kā

ik aur tamanna hai pas-e-ḳhvāb-e-tamanna

utregā kabhī mujh pe mohabbat kā sahīfa

chheḌegā mire dil ko bhī mizrāb-e-tamannā

kuchh dil meñ taḌap hai na mirī aañkh meñ aañsū

māthe pe sajā rakkhī hai mehrāb-e-tamannā

pahuñcheñge 'ziyā' bārgah-e-husn meñ ik roz

khul jā.egā ham par bhī kabhī bāb-e-tamannā

khilta hai jahan par gul-e-nayab-e-tamanna

chhoD aae hain us rah mein hum KHwab-e-tamanna

bujhta hai kisi dil mein teri yaad ka suraj

raushan hai kisi baam pe mahtab-e-tamanna

sauda hai mere sar mein kisi aur jahan ka

ek aur tamanna hai pas-e-KHwab-e-tamanna

utrega kabhi mujh pe mohabbat ka sahifa

chheDega mere dil ko bhi mizrab-e-tamanna

kuchh dil mein taDap hai na meri aankh mein aansu

mathe pe saja rakkhi hai mehrab-e-tamanna

pahunchenge 'ziya' bargah-e-husn mein ek roz

khul jaega hum par bhi kabhi bab-e-tamanna