khinch ke wo aur tarahdar nazar aate hain

khiñch ke vo aur tarahdār nazar aate haiñ

bal jo abrū pe haiñ talvār nazar aate haiñ

phir mire haal pe hai chashm-e-ināyat un kī

phir vo kuchh dar-pai-e-āzār nazar aate haiñ

kis ne mahfil meñ ye chehre se uThā.ī hai naqāb

aa.ine naqsh-ba-dīvār nazar aate haiñ

qissa-e-dār-o-rasan ḳhatm na farmā.eñ huzūr

kuchh abhī haq ke parastār nazar aate haiñ

ik hamīñ lutf-e-masīhā.ī ke maare to nahīñ

achchhe achchhe tire bīmār nazar aate haiñ

ḳhair ho sāqī-e-nau-ḳhez ki mahfil meñ tirī

aaj kuchh sāhab-e-dastār nazar aate haiñ

baat sachchī kahīñ kambaḳht ne kah dī shāyad

log 'fārūq' se bezār nazar aate haiñ

khinch ke wo aur tarahdar nazar aate hain

bal jo abru pe hain talwar nazar aate hain

phir mere haal pe hai chashm-e-inayat un ki

phir wo kuchh dar-pai-e-azar nazar aate hain

kis ne mahfil mein ye chehre se uThai hai naqab

aaine naqsh-ba-diwar nazar aate hain

qissa-e-dar-o-rasan KHatm na farmaen huzur

kuchh abhi haq ke parastar nazar aate hain

ek hamin lutf-e-masihai ke mare to nahin

achchhe achchhe tere bimar nazar aate hain

KHair ho saqi-e-nau-KHez ki mahfil mein teri

aaj kuchh sahab-e-dastar nazar aate hain

baat sachchi kahin kambaKHt ne kah di shayad

log 'faruq' se bezar nazar aate hain