KHirqa-poshi mein KHud-numai hai

ḳhirqa-poshī meñ ḳhud-numā.ī hai

haath bas kāsa-e-gadā.ī hai

boriyā bhī nahīñ use darkār

jis ke ta.iiñ shauq-e-be-riyā.ī hai

gul sab hañste haiñ bazm-e-gulshan meñ

ishq-e-bulbul magar riyā.ī hai

jald jaatī hai āsmāñ uupar

aah merī ajab havā.ī hai

sham-e-mīnā ke nuur suuñ saaqī

mahfil dil meñ raushnā.ī hai

har ghaḌī dekhtā hai darpan kuuñ

shoḳh meñ tarz-e-ḳhud-numā.ī hai

jab suuñ dekhā huuñ us kī zulf-e-darāz

tab suuñ mujh fikr meñ rasā.ī hai

kaañ u dekhā hai ḳhvāb meñ maḳhmal

tujh kaf-e-pā meñ jo safā.ī hai

kyuuñ na hue māh-e-nau misāl-e-azīz

jis mane rasm-e-kam-numā.ī hai

dast-e-gul-rū meñ pahuñchne 'dā.ūd'

kāġhaz-e-ḳhat mirā hinā.ī hai

KHirqa-poshi mein KHud-numai hai

hath bas kasa-e-gadai hai

boriya bhi nahin use darkar

jis ke tain shauq-e-be-riyai hai

gul sab hanste hain bazm-e-gulshan mein

ishq-e-bulbul magar riyai hai

jald jati hai aasman upar

aah meri ajab hawai hai

sham-e-mina ke nur sun saqi

mahfil dil mein raushnai hai

har ghaDi dekhta hai darpan kun

shoKH mein tarz-e-KHud-numai hai

jab sun dekha hun us ki zulf-e-daraaz

tab sun mujh fikr mein rasai hai

kan u dekha hai KHwab mein maKHmal

tujh kaf-e-pa mein jo safai hai

kyun na hue mah-e-nau misal-e-aziz

jis mane rasm-e-kam-numai hai

dast-e-gul-ru mein pahunchne 'daud'

kaghaz-e-KHat mera hinai hai