KHizan ke dosh pe hai fasl-e-gul ka raKHt abhi

ḳhizāñ ke dosh pe hai fasl-e-gul kā raḳht abhī

ki barg-o-bār se ḳhālī hai har daraḳht abhī

abhī ġhamoñ se ibārat hai sar-navisht-e-bashar

ki āsmān pare hai zamīn saḳht abhī

samajh shuā-e-burīda na sirf jugnū ko

kiran kiran kā jigar hogā laḳht laḳht abhī

matā-e-jāñ bhī use pesh kar chukā huuñ maiñ

mire raqīb kā lahja hai kyuuñ karaḳht abhī

tamām raat rahā mai-kada-nashīñ 'ja.afar'

gayā hai uTh ke yahāñ se vo nek-baḳht abhī

KHizan ke dosh pe hai fasl-e-gul ka raKHt abhi

ki barg-o-bar se KHali hai har daraKHt abhi

abhi ghamon se ibarat hai sar-nawisht-e-bashar

ki aasman pare hai zamin saKHt abhi

samajh shua-e-burida na sirf jugnu ko

kiran kiran ka jigar hoga laKHt laKHt abhi

mata-e-jaan bhi use pesh kar chuka hun main

mere raqib ka lahja hai kyun karaKHt abhi

tamam raat raha mai-kada-nashin 'jafar'

gaya hai uTh ke yahan se wo nek-baKHt abhi