KHizan ke dosh pe rakhta hai wo bahaar ka rang

ḳhizāñ ke dosh pe rakhtā hai vo bahār kā rang

ajab hai us kī nigāhoñ meñ intizār kā rang

ajab hai rasm-e-vafā aur e'tibār kā rang

ki dil meñ ban ke dhaḌaktā hai us ke pyaar kā rang

sukūn-e-dil kā Thikānā kahīñ na mil paayā

basā huā hai nigāhoñ meñ jo dayār kā rang

laboñ pe jhūTā tabassum namī sī āñkhoñ meñ

ayaañ hai chehre se us ke firāq-e-yār kā rang

amīr-e-shahr ko ham be-kasoñ se kyā matlab

use to chāhiye bas apne eqtidār kā rang

hamārī qaum ko paḌhne do qisse maazī ke

ḳhabar to hone do kyā thā salīb-o-dār kā rang

nahīñ thā shauq mujhe hijratoñ kā koī 'zafar'

dayār-e-ġhair meñ le aayā rozgār kā rang

KHizan ke dosh pe rakhta hai wo bahaar ka rang

ajab hai us ki nigahon mein intizar ka rang

ajab hai rasm-e-wafa aur e'tibar ka rang

ki dil mein ban ke dhaDakta hai us ke pyar ka rang

sukun-e-dil ka Thikana kahin na mil paya

basa hua hai nigahon mein jo dayar ka rang

labon pe jhuTa tabassum nami si aankhon mein

ayan hai chehre se us ke firaq-e-yar ka rang

amir-e-shahr ko hum be-kason se kya matlab

use to chahiye bas apne eqtidar ka rang

hamari qaum ko paDhne do qisse mazi ke

KHabar to hone do kya tha salib-o-dar ka rang

nahin tha shauq mujhe hijraton ka koi 'zafar'

dayar-e-ghair mein le aaya rozgar ka rang