KHizan ki rut mein gul-kari mubarak

ḳhizāñ kī rut meñ gul-kārī mubārak

mirī āñkhoñ ko ye paanī mubārak

mirī āvāz se uktā ga.ī ho

tumheñ ab merī ḳhāmoshī mubārak

mirā milnā nahīñ tum ko gavāra

so tum ko merī tanhā.ī mubārak

mire ḳhvāboñ se 'ājiz aa ga.ī ho

mirī rātoñ kī bedārī mubārak

maiñ ab vaisā huuñ jaisā tum ne chāhā

mirī har ek nākāmī mubārak

mirī mushkil meñ āsānī hai tum ko

lo tum ko merī dushvārī mubārak

KHizan ki rut mein gul-kari mubarak

meri aankhon ko ye pani mubarak

meri aawaz se ukta gai ho

tumhein ab meri KHamoshi mubarak

mera milna nahin tum ko gawara

so tum ko meri tanhai mubarak

mere KHwabon se 'ajiz aa gai ho

meri raaton ki bedari mubarak

main ab waisa hun jaisa tum ne chaha

meri har ek nakaami mubarak

meri mushkil mein aasani hai tum ko

lo tum ko meri dushwari mubarak