KHizan mein bhi bahaar-e-jawedan malum hoti hai

ḳhizāñ meñ bhī bahār-e-jāvedāñ mālūm hotī hai

javānī ho to phir har shai javāñ mālūm hotī hai

yahāñ mālūm hotī hai vahāñ mālūm hotī hai

ḳhalish dil kī kahāñ hai aur kahāñ mālūm hotī hai

jafā un kī vafā merī vafā merī jafā un kī

mohabbat dāstāñ-dar-dāstāñ mālūm hotī hai

asīrān-e-qafas haiñ ham se pūchho qadr-e-āzādī

ki ab bijlī bhī shāḳh-e-āshiyāñ mālūm hotī hai

ye maanā ishq meñ sabr o sukūñ se kuchh nahīñ hāsil

magar āh-o-fuġhāñ bhī rā.egāñ mālūm hotī hai

payām-e-ishq dete haiñ vo jab nazroñ hī nazroñ meñ

vo ik saa.at hayāt-e-jāvedāñ mālūm hotī hai

latāfat ishq kī hai māna-e-nazzāra-e-sūrat

mohabbat ḳhud hijāb-e-darmiyāñ mālūm hotī hai

baḌī mushkil se samjhe haiñ shahīd-e-ishq kā mansab

'sahar' ab zindagī bār-e-girāñ mālūm hotī hai

KHizan mein bhi bahaar-e-jawedan malum hoti hai

jawani ho to phir har shai jawan malum hoti hai

yahan malum hoti hai wahan malum hoti hai

KHalish dil ki kahan hai aur kahan malum hoti hai

jafa un ki wafa meri wafa meri jafa un ki

mohabbat dastan-dar-dastan malum hoti hai

asiran-e-qafas hain hum se puchho qadr-e-azadi

ki ab bijli bhi shaKH-e-ashiyan malum hoti hai

ye mana ishq mein sabr o sukun se kuchh nahin hasil

magar aah-o-fughan bhi raegan malum hoti hai

payam-e-ishq dete hain wo jab nazron hi nazron mein

wo ek saat hayat-e-jawedan malum hoti hai

latafat ishq ki hai mana-e-nazzara-e-surat

mohabbat KHud hijab-e-darmiyan malum hoti hai

baDi mushkil se samjhe hain shahid-e-ishq ka mansab

'sahar' ab zindagi bar-e-giran malum hoti hai