KHizan mein phul hamein su-e-bagh le ke chale

ḳhizāñ meñ phuul hameñ sū-e-bāġh le ke chale

shab-e-siyāh meñ jugnū charāġh le ke chale

hameñ kiran meñ piroyā agar bane zarra

hue haiñ chāñd to siine pe daaġh le ke chale

ham aa.e the chamanistān se tahī dāman

sharāb ḳhāne se ḳhālī ayāġh le ke chale

tamām umr jo apnī talāsh karte rahe

haiñ mudda.ī ki tumhārā surāġh le ke chale

na andalīb na qumrī ne ehtijāj kiyā

ki lahn-o-naġhma kā e.azāz zaaġh le ke chale

hameñ milī na ye mohlat ḳhushī baham karte

magar jahān se ġham-e-bā-farāġh le ke chale

yahāñ to fā.eda be-maġhz log uThāte haiñ

vatan meñ tum kahāñ 'shaukat' dimāġh le ke chale

KHizan mein phul hamein su-e-bagh le ke chale

shab-e-siyah mein jugnu charagh le ke chale

hamein kiran mein piroya agar bane zarra

hue hain chand to sine pe dagh le ke chale

hum aae the chamanistan se tahi daman

sharab KHane se KHali ayagh le ke chale

tamam umr jo apni talash karte rahe

hain muddai ki tumhaara suragh le ke chale

na andalib na qumri ne ehtijaj kiya

ki lahn-o-naghma ka eazaz zagh le ke chale

hamein mili na ye mohlat KHushi baham karte

magar jahan se gham-e-ba-faragh le ke chale

yahan to faeda be-maghz log uThate hain

watan mein tum kahan 'shaukat' dimagh le ke chale