KHizan ne phul ko patthar ne aaine ko chuna

ḳhizāñ ne phuul ko patthar ne aa.ine ko chunā

hamesha ham ne magar ek dūsre ko chunā

kisī bhī shakl meñ tajsīm karnā thā us ko

charāġh pahle bahut the so tāqche ko chunā

mirī nigāh meñ har chiiz ek jaisī thī

ki jab talak na kisī ek nazariye ko chunā

ḳhudā-e-lafz ne pahchān ke liye apnī

tumhāre saath hamāre mukālme ko chunā

ye phuul baaġh se bāhar na aa sake 'hāris'

ki Daalī tark bhī kī to kitābche ko chunā

KHizan ne phul ko patthar ne aaine ko chuna

hamesha hum ne magar ek dusre ko chuna

kisi bhi shakl mein tajsim karna tha us ko

charagh pahle bahut the so taqche ko chuna

meri nigah mein har chiz ek jaisi thi

ki jab talak na kisi ek nazariye ko chuna

KHuda-e-lafz ne pahchan ke liye apni

tumhaare sath hamare mukalme ko chuna

ye phul bagh se bahar na aa sake 'haaris'

ki Dali tark bhi ki to kitabche ko chuna