KHizan-rasida ne ulTi taraf rujua kiya

ḳhizāñ-rasīda ne ulTī taraf rujūa kiyā

tamām rangoñ ne terī taraf rujūa kiyā

ye shāḳh-e-tāza isī soch meñ kaTī hogī

mire gulāb ne kis kī taraf rujūa kiyā

zamīn phail ga.ī sātoñ āsmānoñ par

ḳhalā-navardoñ ne kaisī taraf rujūa kiyā

fazā-e-habs meñ sab log baukhlā ga.e the

akele ham ne hī khiḌkī taraf rujūa kiyā

maiñ us ko chhoḌ ke aage chalā gayā 'hāris'

to kā.enāt ne merī taraf rujūa kiyā

KHizan-rasida ne ulTi taraf rujua kiya

tamam rangon ne teri taraf rujua kiya

ye shaKH-e-taza isi soch mein kaTi hogi

mere gulab ne kis ki taraf rujua kiya

zamin phail gai saton aasmanon par

KHala-nawardon ne kaisi taraf rujua kiya

faza-e-habs mein sab log baukhla gae the

akele hum ne hi khiDki taraf rujua kiya

main us ko chhoD ke aage chala gaya 'haaris'

to kaenat ne meri taraf rujua kiya