kho jaun musht-e-KHak mein aisa nahin hun main

kho jā.ūñ musht-e-ḳhāk meñ aisā nahīñ huuñ maiñ

dariyā huuñ apnī zaat meñ qatra nahīñ huuñ maiñ

guzrūñgā jis jagah se nishāñ chhoḌ jā.ūñgā

āñdhī huuñ apne vaqt kī jhoñkā nahīñ huuñ maiñ

manzil se ye kaho ki kare merā intizār

Thahrā huā zarūr huuñ bhaTkā nahīñ huuñ maiñ

pūchhī hai ḳhat meñ aap ne jo ḳhairiyat mirī

kaise likhūñ janāb ki achchhā nahīñ huuñ maiñ

ḳhushbū tire badan kī mire saath saath hai

kah de koī havāoñ se tanhā nahīñ huuñ maiñ

husn-o-shabāb sāġhar-o-mīnā the sāmne

lekin kisī bhī shab kahīñ Thahrā nahīñ huuñ maiñ

de kar khilaune mujh ko jo bahlā rahe haiñ log

'ejāz' un se kah do ki bachcha nahīñ huuñ maiñ

kho jaun musht-e-KHak mein aisa nahin hun main

dariya hun apni zat mein qatra nahin hun main

guzrunga jis jagah se nishan chhoD jaunga

aandhi hun apne waqt ki jhonka nahin hun main

manzil se ye kaho ki kare mera intizar

Thahra hua zarur hun bhaTka nahin hun main

puchhi hai KHat mein aap ne jo KHairiyat meri

kaise likhun janab ki achchha nahin hun main

KHushbu tere badan ki mere sath sath hai

kah de koi hawaon se tanha nahin hun main

husn-o-shabab saghar-o-mina the samne

lekin kisi bhi shab kahin Thahra nahin hun main

de kar khilaune mujh ko jo bahla rahe hain log

'ejaz' un se kah do ki bachcha nahin hun main