kho na jae kahin har KHwab sadaon ki tarah

kho na jaa.e kahīñ har ḳhvāb sadāoñ kī tarah

zindagī mahv-e-tajassus hai havāoñ kī tarah

TuuT jaa.e na kahīñ shīsha-e-paimān-e-vafā

vaqt be-rahm hai patthar ke ḳhudāoñ kī tarah

ham se bhī pūchho sulagte hue mausam kī kasak

ham bhī har dasht pe barse haiñ ghaTāoñ kī tarah

bārhā ye huā jā kar tire darvāze tak

ham palaT aa.e haiñ nākām duāoñ kī tarah

kabhī mā.il-ba-rifāqat kabhī mā.il-ba-gurez

zindagī ham se milī terī adāoñ kī tarah

kho na jae kahin har KHwab sadaon ki tarah

zindagi mahw-e-tajassus hai hawaon ki tarah

TuT jae na kahin shisha-e-paiman-e-wafa

waqt be-rahm hai patthar ke KHudaon ki tarah

hum se bhi puchho sulagte hue mausam ki kasak

hum bhi har dasht pe barse hain ghaTaon ki tarah

barha ye hua ja kar tere darwaze tak

hum palaT aae hain nakaam duaon ki tarah

kabhi mail-ba-rifaqat kabhi mail-ba-gurez

zindagi hum se mili teri adaon ki tarah