khoj ki aur nishan se kud gaya

khoj kī aur nishāñ se kuud gayā

maiñ kahāñ thā kahāñ se kuud gayā

haañ ye raftār kī na.ī had hai

haañ yaqīñ is gumāñ se kuud gayā

chalte chalte pahuñch gayā thā yahāñ

rukte rukte yahāñ se kuud gayā

āsmānoñ pe rahne vaalā bhī

ek din āsmāñ se kuud gayā

'aql thī 'ishq thā junūñ thā jo

mujh se pahle vahāñ se kuud gayā

apnī gahrā.ī nāpnī thī mujhe

so maiñ koh-e-zamāñ se kuud gayā

khoj ki aur nishan se kud gaya

main kahan tha kahan se kud gaya

han ye raftar ki nai had hai

han yaqin is guman se kud gaya

chalte chalte pahunch gaya tha yahan

rukte rukte yahan se kud gaya

aasmanon pe rahne wala bhi

ek din aasman se kud gaya

'aql thi 'ishq tha junun tha jo

mujh se pahle wahan se kud gaya

apni gahrai napni thi mujhe

so main koh-e-zaman se kud gaya