khol aaghosh na tu mujhse rukawaT se lipaT

khol āġhosh na tū mujh se rukāvaT se lipaT

ab jo lipTā hai to aa pyaar kī karvaT se lipaT

us ne sar apnā dhunā dekh shigāf-e-dar se

kar ke ġhash rah ga.e ham us kī jo chaukhaT se lipaT

dhuum ye bāda-kashoñ kī hai ki mai-ḳhāne meñ

mast jaate haiñ surāhī kī ġhaTā-ġhat se lipaT

joñ galī meñ mujhe aate hue dekhā to vo shoḳh

apnī chaukhaT se uchak jhaT se gayā paT se lipaT

shaiḳh se iid ko kyuuñ aap ham-āġhosh hue

goyā jaatā hai bhalā aise bhī khōsaT se lipaT

jis ko kahte haiñ tarāqī kī phaban so zālim

rah ga.ī hai tirī cholī kī phañsāvat se lipaT

piis Daal aaj tū mere bhī phaphūle dil ke

aa na aa mujh se Tuk aisī hī sajāvaT se lipaT

dham se ham dono gire farsh pe haiñ ruup ki raat

rah gayā un kā dupaTTa bhī chhapar-khaT se lipaT

choT khā kar lagī kahne ki agar aisā hai

hai galā khelnā tujh ko to kisī naT se lipaT

ra.ad ke saath hai 'inshā' mire naale kā vo ruup

jaise guTh jaatī haiñ sum duun meñ tirvaT se lipaT

khol aaghosh na tu mujh se rukawaT se lipaT

ab jo lipTa hai to aa pyar ki karwaT se lipaT

us ne sar apna dhuna dekh shigaf-e-dar se

kar ke ghash rah gae hum us ki jo chaukhaT se lipaT

dhum ye baada-kashon ki hai ki mai-KHane mein

mast jate hain surahi ki ghaTa-ghat se lipaT

jon gali mein mujhe aate hue dekha to wo shoKH

apni chaukhaT se uchak jhaT se gaya paT se lipaT

shaiKH se id ko kyun aap ham-aghosh hue

goya jata hai bhala aise bhi khoosaT se lipaT

jis ko kahte hain taraqi ki phaban so zalim

rah gai hai teri choli ki phansawat se lipaT

pis Dal aaj tu mere bhi phaphule dil ke

aa na aa mujh se Tuk aisi hi sajawaT se lipaT

dham se hum dono gire farsh pe hain rup ki raat

rah gaya un ka dupaTTa bhi chhapar-khaT se lipaT

choT kha kar lagi kahne ki agar aisa hai

hai gala khelna tujh ko to kisi naT se lipaT

rad ke sath hai 'insha' mere nale ka wo rup

jaise guTh jati hain sum dun mein tirwaT se lipaT