khol kar baat ka bharam donon

khol kar baat kā bharam donoñ

kam-suḳhan ho ga.e haiñ ham donoñ

ho ga.e ab judā to kyā kahiye

the ḳhatā-kār besh-o-kam donoñ

jab mileñge to bhuul jā.eñge

jo abhī sochte haiñ ham donoñ

daf.atan sāmnā huā apnā

jī uThe jaise ek dam donoñ

hijrat-o-hijr se bachā.e ḳhudā

mujh ko lāhaq haiñ aaj ġham donoñ

ab yahī ek raah bachtī hai

bas yahīñ rok leñ qadam donoñ

mujh pe guzrā hai vaqt-e-hijr-o-visāl

dil ne dekhe haiñ zer-o-bam donoñ

jab nimaT jā.eñge ye hañgāme

phir se ho jā.eñge baham donoñ

khol kar baat ka bharam donon

kam-suKHan ho gae hain hum donon

ho gae ab juda to kya kahiye

the KHata-kar besh-o-kam donon

jab milenge to bhul jaenge

jo abhi sochte hain hum donon

dafatan samna hua apna

ji uThe jaise ek dam donon

hijrat-o-hijr se bachae KHuda

mujh ko lahaq hain aaj gham donon

ab yahi ek rah bachti hai

bas yahin rok len qadam donon

mujh pe guzra hai waqt-e-hijr-o-visal

dil ne dekhe hain zer-o-bam donon

jab nimaT jaenge ye hangame

phir se ho jaenge baham donon