khoya kya paya kya hisab na kar

khoyā kyā paayā kyā hisāb na kar

to abas vaqt ko ḳharāb na kar

chhoḌ hargiz na rāh-e-haq-goī

apnī manzil ko yuuñ ḳharāb na kar

saaf rakh apnā dāman-e-kirdār

tū use ashkoñ se pur-āb na kar

ġham na kar dūsroñ pe kyā guzre

tū kabhī haq se ijtināb na kar

ġham bhī haiñ zindagī kā ik hissa

dūsroñ ko tū intisāb na kar

jo farā.ez haiñ bhuul jaa.eñ 'karan'

is qadar ḳhud ko mahv-e-ḳhvāb na kar

khoya kya paya kya hisab na kar

to abas waqt ko KHarab na kar

chhoD hargiz na rah-e-haq-goi

apni manzil ko yun KHarab na kar

saf rakh apna daman-e-kirdar

tu use ashkon se pur-ab na kar

gham na kar dusron pe kya guzre

tu kabhi haq se ijtinab na kar

gham bhi hain zindagi ka ek hissa

dusron ko tu intisab na kar

jo faraez hain bhul jaen 'karan'

is qadar KHud ko mahw-e-KHwab na kar