KHud apna aks hun ki kisi ki sada hun main

ḳhud apnā aks huuñ ki kisī kī sadā huuñ maiñ

yuuñ shahr tā-ba-shahr jo bikhrā huā huuñ maiñ

maiñ DhūñDne chalā huuñ jo ḳhud apne-āp ko

tohmat ye mujh pe hai ki bahut ḳhud-numā huuñ maiñ

mujh se na pūchh naam mirā rūh-e-kā.enāt

ab aur kuchh nahīñ huuñ tirā ā.īna huuñ maiñ

jab niiñd aa ga.ī ho sadā-e-jaras ko bhī

merī ḳhatā yahī hai ki kyuuñ jāgtā huuñ maiñ

lā.ūñ kahāñ se DhūñDh ke maiñ apnā ham-navā

ḳhud apne har ḳhayāl se Takrā chukā huuñ maiñ

ai umr-e-rafta maiñ tujhe pahchāntā nahīñ

ab mujh ko bhuul jā ki bahut bevafā huuñ maiñ

KHud apna aks hun ki kisi ki sada hun main

yun shahr ta-ba-shahr jo bikhra hua hun main

main DhunDne chala hun jo KHud apne-ap ko

tohmat ye mujh pe hai ki bahut KHud-numa hun main

mujh se na puchh nam mera ruh-e-kaenat

ab aur kuchh nahin hun tera aaina hun main

jab nind aa gai ho sada-e-jaras ko bhi

meri KHata yahi hai ki kyun jagta hun main

laun kahan se DhunDh ke main apna ham-nawa

KHud apne har KHayal se Takra chuka hun main

ai umr-e-rafta main tujhe pahchanta nahin

ab mujh ko bhul ja ki bahut bewafa hun main