KHud apne aap se apna gila nahin karte

ḳhud apne aap se apnā gila nahīñ karte

ham apnī baat kisī se kahā nahīñ karte

khilaune TuuTe to bāzār se le ā.eñge

jo TuuT jaate haiñ dil vo juḌā nahīñ karte

tumhārī zarra-navāzī hai jo navāz diyā

ham apne muñh miyāñ miTThū banā nahīñ karte

ye aa.ina hai sadāqat bayān kartā hai

ġhalat nuqūsh to is meñ banā nahīñ karte

'sa.īd' ham pe jo guzrī vo dil meñ rakhte haiñ

kabhī kisī se koī tazkira nahīñ karte

KHud apne aap se apna gila nahin karte

hum apni baat kisi se kaha nahin karte

khilaune TuTe to bazar se le aaenge

jo TuT jate hain dil wo juDa nahin karte

tumhaari zarra-nawazi hai jo nawaz diya

hum apne munh miyan miTThu bana nahin karte

ye aaina hai sadaqat bayan karta hai

ghalat nuqush to is mein bana nahin karte

'said' hum pe jo guzri wo dil mein rakhte hain

kabhi kisi se koi tazkira nahin karte