KHud apne-ap se milne ka main apna irada hun

ḳhud apne-āp se milne kā maiñ apnā irāda huuñ

maiñ har mausam ko sah kar bhī abhī tak īstāda huuñ

azal se māvarā rañgoñ se huuñ ye merā da.avā hai

asās-e-rañg par jāñcho na mujh ko naqsh-e-sāda huuñ

tirā saaya hai ā.īna chamakte āftāboñ kā

maiñ apne jism meñ be-paikarī kā ik labāda huuñ

mujhe hairat, maiñ ik nuqte kī sūrat kis tarah simTā

ḳhalā hai aañkh merī maiñ samundar se kushāda huuñ

mujhe lagtī hai duniyā ek Thokar apne paañv kī

maiñ jaane kaisī ujḌī saltanat kā shāhzāda huuñ

mujhe lagte haiñ ḳhush sab seb sūrat aaj bhī 'manzūr'

ki maiñ apne kisī ahd-e-shikasta kā i.aada huuñ

KHud apne-ap se milne ka main apna irada hun

main har mausam ko sah kar bhi abhi tak istada hun

azal se mawara rangon se hun ye mera dawa hai

asas-e-rang par jaancho na mujh ko naqsh-e-sada hun

tera saya hai aaina chamakte aaftabon ka

main apne jism mein be-paikari ka ek labaada hun

mujhe hairat, main ek nuqte ki surat kis tarah simTa

KHala hai aankh meri main samundar se kushada hun

mujhe lagti hai duniya ek Thokar apne panw ki

main jaane kaisi ujDi saltanat ka shahzada hun

mujhe lagte hain KHush sab seb surat aaj bhi 'manzur'

ki main apne kisi ahd-e-shikasta ka iada hun