KHud apne jazb-e-mohabbat ki intiha hun main

ḳhud apne jazb-e-mohabbat kī intihā huuñ maiñ

tire jamāl kī tasvīr ban gayā huuñ maiñ

hadīs-e-ishq huuñ afsāna-e-vafā huuñ maiñ

bhulā sake na jise tum vo mājrā huuñ maiñ

mirī sarisht hai hañs hañs ke zaḳhm-e-ġham khānā

ki hādsāt meñ pal kar javāñ huā huuñ maiñ

unheñ yaqīñ nahīñ mere ḳhulūs-e-ulfat kā

vafā kā apnī ye in'ām pā rahā huuñ maiñ

hamīd jis ne miTāyā hai baar baar mujhe

usī fareb-e-mohabbat meñ mubtalā huuñ maiñ

KHud apne jazb-e-mohabbat ki intiha hun main

tere jamal ki taswir ban gaya hun main

hadis-e-ishq hun afsana-e-wafa hun main

bhula sake na jise tum wo majra hun main

meri sarisht hai hans hans ke zaKHm-e-gham khana

ki hadsat mein pal kar jawan hua hun main

unhen yaqin nahin mere KHulus-e-ulfat ka

wafa ka apni ye in'am pa raha hun main

hamid jis ne miTaya hai bar bar mujhe

usi fareb-e-mohabbat mein mubtala hun main