KHud hi pyase hain samundar to faqat nam ke hain
ḳhud hī pyāse haiñ samundar to faqat naam ke haiñ
bhuul jaao ki baḌe log kisī kaam ke haiñ
dastakeñ ḳhaas usī vaqt meñ detā hai koī
chaar chhe pal jo mirī umr meñ ārām ke haiñ
koī kyā laag lagā.e ki bichhaḌnā hai abhī
ham-safar aap ke ham ek hī do gaam ke haiñ
āsmānoñ kī bulandī kā safar tai kar ke
lauT aate haiñ parinde jo mire baam ke haiñ
shā.erī chaa.e tirī yaad chamakte jugnū
bas yahī chaar talab roz mirī shaam ke haiñ
KHud hi pyase hain samundar to faqat nam ke hain
bhul jao ki baDe log kisi kaam ke hain
dastaken KHas usi waqt mein deta hai koi
chaar chhe pal jo meri umr mein aaram ke hain
koi kya lag lagae ki bichhaDna hai abhi
ham-safar aap ke hum ek hi do gam ke hain
aasmanon ki bulandi ka safar tai kar ke
lauT aate hain parinde jo mere baam ke hain
shaeri chae teri yaad chamakte jugnu
bas yahi chaar talab roz meri sham ke hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
