خود کے سائے سے بھی حیران نظر آتا ہے
خود کے سائے سے بھی حیران نظر آتا ہے
اپنے گھر میں بھی وہ مہمان نظر آتا ہے
کس کا چہرہ ہے جو بے ساختہ ہوتا ہے عیاں
خواب بھی آنکھ میں حیران نظر آتا ہے
اس نے بھی کوئی خبر گھر کے اجڑنے کہ نہ لی
جس کی چھت سے مرا دالان نظر آتا ہے
آمد یار میں تاثیر بہاروں سی ہے
چہرہ چہرہ جو گلستان نظر آتا ہے
کسی نادان نے پھر ذکر وفا چھیڑا ہے
یار محفل میں پریشان نظر آتا ہے
مل رہا ہے وہ بہت پیار سے اے دل محتاط
اک نئے درد کا عنوان نظر آتا ہے
میں بھی مسرور نہیں اس سے کنارا کر کے
وہ بھی اس اور پشیمان نظر آتا ہے
زندگی یاد دلاتی ہے جدائی تیری
سانس لینے کا جو امکان نظر آتا ہے
رخ بدل لیتا ہے بے ساختہ رہبر میرا
جب بھی رستا کوئی آسان نظر آتا ہے
ہیں یہاں قید کئی یاد کے بیکس پنچھی
اپنا کمرا مجھے زندان نظر آتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
