KHud ke sae se bhi hairan nazar aata hai

ḳhud ke saa.e se bhī hairān nazar aatā hai

apne ghar meñ bhī vo mehmān nazar aatā hai

kis kā chehra hai jo be-sāḳhta hotā hai ayaañ

ḳhvāb bhī aañkh meñ hairān nazar aatā hai

us ne bhī koī ḳhabar ghar ke ujaḌne ki na lī

jis kī chhat se mirā dālān nazar aatā hai

āmad-e-yār meñ tāsīr bahāroñ sī hai

chehra chehra jo gulistān nazar aatā hai

kisī nādān ne phir zikr-e-vafā chheḌā hai

yaar mahfil meñ pareshān nazar aatā hai

mil rahā hai vo bahut pyaar se ai dil mohtāt

ik na.e dard kā unvān nazar aatā hai

maiñ bhī masrūr nahīñ us se kinārā kar ke

vo bhī us or pashemān nazar aatā hai

zindagī yaad dilātī hai judā.ī terī

saañs lene kā jo imkān nazar aatā hai

ruḳh badal letā hai be-sāḳhta rahbar merā

jab bhī rastā koī āsān nazar aatā hai

haiñ yahāñ qaid ka.ī yaad ke bekas panchhī

apnā kamrā mujhe zindān nazar aatā hai

KHud ke sae se bhi hairan nazar aata hai

apne ghar mein bhi wo mehman nazar aata hai

kis ka chehra hai jo be-saKHta hota hai ayan

KHwab bhi aankh mein hairan nazar aata hai

us ne bhi koi KHabar ghar ke ujaDne ki na li

jis ki chhat se mera dalan nazar aata hai

aamad-e-yar mein tasir bahaaron si hai

chehra chehra jo gulistan nazar aata hai

kisi nadan ne phir zikr-e-wafa chheDa hai

yar mahfil mein pareshan nazar aata hai

mil raha hai wo bahut pyar se ai dil mohtat

ek nae dard ka unwan nazar aata hai

main bhi masrur nahin us se kinara kar ke

wo bhi us or pasheman nazar aata hai

zindagi yaad dilati hai judai teri

sans lene ka jo imkan nazar aata hai

ruKH badal leta hai be-saKHta rahbar mera

jab bhi rasta koi aasan nazar aata hai

hain yahan qaid kai yaad ke bekas panchhi

apna kamra mujhe zindan nazar aata hai