KHud ko bana ke rakh uDana paDa hamein

ḳhud ko banā ke raakh uḌānā paḌā hameñ

yuuñ bhī kisī kā saath nibhānā paḌā hameñ

tārīkiyoñ kā daur thā so jo bhī mil gayā

us ko diyā banā ke jalānā paḌā hameñ

phir yuuñ huā ki ham ne use jaan kah diyā

phir yuuñ huā ki jaan se jaanā paḌā hameñ

mahsūs yuuñ huā ki jahannum meñ aa ga.e

jis moḌ par bhī hosh meñ aanā paḌā hameñ

so.e to zindagī kī haqīqat se kaT ga.e

jaage to apnā ḳhvāb gañvānā paḌā hameñ

hoñToñ se aah aah ko karnā paḌā judā

palkoñ se ashk ashk uThānā paḌā hameñ

KHud ko bana ke rakh uDana paDa hamein

yun bhi kisi ka sath nibhana paDa hamein

tarikiyon ka daur tha so jo bhi mil gaya

us ko diya bana ke jalana paDa hamein

phir yun hua ki hum ne use jaan kah diya

phir yun hua ki jaan se jaana paDa hamein

mahsus yun hua ki jahannum mein aa gae

jis moD par bhi hosh mein aana paDa hamein

soe to zindagi ki haqiqat se kaT gae

jage to apna KHwab ganwana paDa hamein

honTon se aah aah ko karna paDa juda

palkon se ashk ashk uThana paDa hamein