KHud ko duniya mein jo raazi-ba-raza kahte hain
ḳhud ko duniyā meñ jo rāzī-ba-razā kahte haiñ
apnī hastī se vo ik baat sivā kahte haiñ
maut aatī hai to ik farz adā hotā hai
in ko dhokā hai qazā ko jo qazā kahte haiñ
dard dil ko tirī yak-gūna murā.āt se hai
nukta-chīñ is ko bhī andāz-e-jafā kahte haiñ
haram o dair hue tark-e-amal se rusvā
dekhiye ahl-e-aqīdat ise kyā kahte haiñ
sūrateñ haiñ ye do ehsās-e-darūñ kī ai 'zeb'
hashr meñ jin ko sazā aur jazā kahte haiñ
KHud ko duniya mein jo raazi-ba-raza kahte hain
apni hasti se wo ek baat siwa kahte hain
maut aati hai to ek farz ada hota hai
in ko dhoka hai qaza ko jo qaza kahte hain
dard dil ko teri yak-guna muraat se hai
nukta-chin is ko bhi andaz-e-jafa kahte hain
haram o dair hue tark-e-amal se ruswa
dekhiye ahl-e-aqidat ise kya kahte hain
suraten hain ye do ehsas-e-darun ki ai 'zeb'
hashr mein jin ko saza aur jaza kahte hain
- Book : Jadeed Shora-e-Urdu (Pg. 953)
- Author : Dr. Abdul Wahid
- Publication : Feroz sons Printers Publishers and Stationers
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
