KHud ko har din nai turbat pe khaDa pate hain

ḳhud ko har din na.ī turbat pe khaḌā paate haiñ

ashk-e-ḳhūñ-rañg bhī ab ḳhatm hue chāhte haiñ

bazm-e-hastī meñ qayāmat kā samāñ lagtā hai

log uThte haiñ aur uThte hī chale jaate haiñ

dil ko hai tāb-o-tavāñ aur na āñkhoñ ko majāl

qadam uThte haiñ to pīchhe kī taraf aate haiñ

baat bantī nazar aatī nahīñ is aalam meñ

ab kisī aur hī duniyā kī havā khāte haiñ

hādisa ye hai ki mahbūb hameñ mil na sakā

aur pā sakte nahīñ vo jinheñ ham bhāte haiñ

ab kisī bū se lagāo nahīñ hotā ham ko

musht-e-ḳhāk-e-dar-e-sarkār uThā laate haiñ

KHud ko har din nai turbat pe khaDa pate hain

ashk-e-KHun-rang bhi ab KHatm hue chahte hain

bazm-e-hasti mein qayamat ka saman lagta hai

log uThte hain aur uThte hi chale jate hain

dil ko hai tab-o-tawan aur na aankhon ko majal

qadam uThte hain to pichhe ki taraf aate hain

baat banti nazar aati nahin is aalam mein

ab kisi aur hi duniya ki hawa khate hain

hadisa ye hai ki mahbub hamein mil na saka

aur pa sakte nahin wo jinhen hum bhate hain

ab kisi bu se lagao nahin hota hum ko

musht-e-KHak-e-dar-e-sarkar uTha late hain