KHud ko itna bhi talabgar nahin karna tha
ḳhud ko itnā bhī talabgār nahīñ karnā thā
baat karnī thī magar pyaar nahīñ karnā thā
dekh ġhusse ne tujhe aaj fanā kar Daalā
bas yahī kaam tujhe yaar nahīñ karnā thā
vo to tū ḳhud hī mire sāmne aayā varna
yaar mujh ko tirā dīdār nahīñ karnā thā
is meñ aa jaate haiñ ab dekh le aire-ġhaire
apne dil ko tujhe bāzār nahīñ karnā thā
us ne pūchhā thā tumheñ mujh se mohabbat hai nā
aise mauqa' pe to inkār nahīñ karnā thā
is qadar marne se Darnā bhī nahīñ thā ham ko
is qadar jiinā bhī dushvār nahīñ karnā thā
KHud ko itna bhi talabgar nahin karna tha
baat karni thi magar pyar nahin karna tha
dekh ghusse ne tujhe aaj fana kar Dala
bas yahi kaam tujhe yar nahin karna tha
wo to tu KHud hi mere samne aaya warna
yar mujh ko tera didar nahin karna tha
is mein aa jate hain ab dekh le aire-ghaire
apne dil ko tujhe bazar nahin karna tha
us ne puchha tha tumhein mujh se mohabbat hai na
aise mauqa' pe to inkar nahin karna tha
is qadar marne se Darna bhi nahin tha hum ko
is qadar jina bhi dushwar nahin karna tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
