خود کو کتنا چھوٹا کرنا پڑتا ہے
خود کو کتنا چھوٹا کرنا پڑتا ہے
بیٹے سے سمجھوتہ کرنا پڑتا ہے
جب اولادیں نا لائق ہو جاتی ہیں
اپنے اوپر غصہ کرنا پڑتا ہے
سچائی کو اپنانا آسان نہیں
دنیا بھر سے جھگڑا کرنا پڑتا ہے
جب سارے کے سارے ہی بے پردہ ہوں
ایسے میں خود پردہ کرنا پڑتا ہے
پیاسوں کی بستی میں شعلے بھڑکا کر
پھر پانی کو مہنگا کرنا پڑتا ہے
ہنس کر اپنے چہرہ کی ہر سلوٹ پر
شیشے کو شرمندہ کرنا پڑتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
