KHud ko pane ki faqat hum justuju karte rahe

ḳhud ko paane kī faqat ham justujū karte rahe

sang rāh-e-ma.arifat ke suraḳh-rū karte rahe

dekh kar vīrānī-e-mai-ḳhāna-o-dair-o-haram

kāsa-e-ġhairat ko ham jām-o-subū karte rahe

roz khilte the umīdoñ ke na.e ġhunche magar

yaas ke mausam unheñ be-rañg-o-bū karte rahe

Duub hī jā.eñge ik din vaqt ke sailāb meñ

be-ḳhabar hālāt se jo hā-o-hū karte rahe

ārzūeñ jāñ-ba-lab thiiñ tishnagī kī dhuup meñ

is liye ham apnī āñkheñ āb-jū karte rahe

kar liyā hotā tayammum hī agar paanī na thā

ishq thā kār-e-ibādat be-vuzū karte rahe

jhiil ke paanī meñ vo ubhrā huā ik aks thā

umr bhar chhūne kī us ko aarzū karte rahe

naqsh-e-pā 'ash.har' buzurgoñ ke jahāñ raushan mile

der tak un rāstoñ se guftugū karte rahe

KHud ko pane ki faqat hum justuju karte rahe

sang rah-e-marifat ke suraKH-ru karte rahe

dekh kar virani-e-mai-KHana-o-dair-o-haram

kasa-e-ghairat ko hum jam-o-subu karte rahe

roz khilte the umidon ke nae ghunche magar

yas ke mausam unhen be-rang-o-bu karte rahe

Dub hi jaenge ek din waqt ke sailab mein

be-KHabar haalat se jo ha-o-hu karte rahe

aarzuen jaan-ba-lab thin tishnagi ki dhup mein

is liye hum apni aankhen aab-ju karte rahe

kar liya hota tayammum hi agar pani na tha

ishq tha kar-e-ibaadat be-wuzu karte rahe

jhil ke pani mein wo ubhra hua ek aks tha

umr bhar chhune ki us ko aarzu karte rahe

naqsh-e-pa 'ashhar' buzurgon ke jahan raushan mile

der tak un raston se guftugu karte rahe