خود کو سنوار لینے کی حاجت اسے بھی تھی

خود کو سنوار لینے کی حاجت اسے بھی تھی

شاید کہ رنگ و بو کی ضرورت اسے بھی تھی

مجبوریوں نے کر دیا پابند کچھ اسے

رسم وفا نبھانے کی چاہت اسے بھی تھی

یوں پھیر لی نگاہ کہ پہچانتا نہ ہو

کتنی شدید مجھ سے رفاقت اسے بھی تھی

کس کے خیال و خواب کی دہلیز پر سدا

ہر شب گزارنے کی اجازت اسے بھی تھی

کردار کی بلندی کا وہ بھی ہے معترف

مانا کہ تیری ذات سے وحشت اسے بھی تھی

گرچہ انا پرست وہ اجملؔ بلا کا ہے

بیباکیوں پہ میری تو حیرت اسے بھی تھی